Դասընթացի նկարագիր
Արդյունավետ հաղորդակցությունը մտքերը, տեղեկատվությունն ու զգացմունքները հստակ, հակիրճ և զրուցակցին հասկանալի ձևով փոխանցելու, ինչպես նաև նրան ուշադիր լսելու և ճիշտ հասկանալու կարողությունն է։ Այն օգնում է կառուցել վստահելի հարաբերություններ, խուսափել թյուրըմբռնումներից և կոնֆլիկտներից, համոզիչ ներկայացնել սեփական տեսակետը և համագործակցել թիմում՝ ընդհանուր արդյունքի հասնելու համար։ Դասընթացի ընթացքում մասնակիցները կծանոթանան հաղորդակցության հիմնական սկզբունքներին և գործիքներին (օրինակ՝ ակտիվ լսողություն, հարցադրման տեխնիկաներ, հետադարձ կապի տրամադրում, ոչ վերբալ հաղորդակցություն), կսովորեն հարմարեցնել իրենց խոսքը լսարանին ու իրավիճակին և կզարգացնեն հստակ արտահայտվելու, կառուցողական երկխոսություն վարելու ու դժվար զրույցներ կառավարելու հմտություններ՝ աշխատանքային և առօրյա իրավիճակներում։
