Դասընթացի նկարագիր
Թիմի ռազմավարական զարգացումը թիմի կարողությունները կազմակերպության երկարաժամկետ նպատակների հետ համադրելու, անհրաժեշտ իրավասություններն ու դերերը նախապես որոշելու և թիմի անդամների շարունակական աճն ու համախմբվածությունը նպատակաուղղված ապահովելու կարողությունն է։ Այն օգնում է գնահատել թիմի ներկա վիճակը, բացահայտել կարողությունների բացերը, պլանավորել զարգացման ուղղությունները, ճիշտ ընտրել և դերավորել մարդկանց, ձևավորել բարձր արդյունավետության մշակույթ և ապահովել, որ թիմը պատրաստ լինի ապագա մարտահրավերներին։ Դասընթացի ընթացքում մասնակիցները կծանոթանան թիմի զարգացման հիմնական մոդելներին և գործիքներին (օրինակ՝ կարողությունների քարտեզագրում, թիմի արդյունավետության գնահատում, հաջորդականության պլանավորում, անհատական զարգացման պլաններ), կսովորեն կապել թիմի զարգացումը ռազմավարական նպատակների հետ, տրամադրել հետադարձ կապ ու մարզում (coaching), պահպանել մոտիվացիան ու ներգրավվածությունը և կզարգացնեն թիմերը երկարաժամկետ հեռանկարով կառուցելու ու առաջնորդելու հմտություններ՝ աշխատանքային և կազմակերպչական միջավայրում։
