Դասընթացի նկարագիր
Վարքագծային փոփոխության ղեկավարումը մարդկանց և թիմերի սովորույթների, վերաբերմունքի ու վարքագծի կայուն փոփոխությանը նպաստելու, նոր վարքագիծը օրինակով ցուցադրելու և այն աստիճանաբար արմատավորելու կարողությունն է։ Այն օգնում է հասկանալ, թե ինչու են մարդիկ գործում որոշակի ձևով, բացահայտել փոփոխության խոչընդոտներն ու շարժառիթները, ստեղծել այնպիսի միջավայր, որն աջակցում է ցանկալի վարքագծին, և ապահովել, որ փոփոխությունները չսահմանափակվեն կարճաժամկետ ջանքերով։ Դասընթացի ընթացքում մասնակիցները կծանոթանան վարքագծային փոփոխության հիմնական մոդելներին և գործիքներին (օրինակ՝ Ֆոգգի վարքագծի մոդել, COM-B, փոփոխության փուլերի մոդել, «հրում» (nudge) մոտեցում), կսովորեն սահմանել ցանկալի վարքագիծը, ձևավորել նոր սովորույթներ, կիրառել դրական ամրապնդում ու հետադարձ կապ և կզարգացնեն անձնական օրինակով առաջնորդելու, մարդկանց մոտիվացնելու և փոփոխությունները կայունացնելու հմտություններ՝ աշխատանքային և առօրյա իրավիճակներում։
